अधिकांश बैंकको ब्याजदर यथावत, सीमितले मात्रै गरे हेरफेर

काठमाडौं । जेठ महिनाको लागि बैंकहरुले निक्षेपको ब्याजदर सार्वजनिक गरेका छन् । सार्वजनिक भएको ब्याजदर अनुसार अधिकांश बैंकले यथावत राखेका छन् ।

२० वटा वाणिज्य बैंकमा १४ वटा वाणिज्य बैंकले वैशाख महिनाकै ब्याजदरलाई कायम गरेका छन् भने ६ वटा वाणिज्य बैंकले हेरफेर गरेका छन् ।

नेपाल इन्भेष्टमेन्ट मेगा बैंक, सिद्धार्थ बैक रकुमारी बैंकले ब्याजदर घटाएका छन् ।

त्यस्तै, नेपाल इन्भेष्टमेन्ट मेगा बैंकले सबैभन्दा बढी १ प्रतिशत ब्याजदर घटाएको छ। सिद्धार्थ बैकले यस्तो निक्षेपको अधिकतम ब्याजदर ०दशमलव २५ प्रतिशतविन्दुले घटाएको छ । र कुमारी बैंकले ० दशमलव ०१ प्रतिशत घटाएको छ ।

ब्याजदर बढाउनेमा सानिमा बैंक, नेपाल बैंक र एभरेष्ट बैंक रहेका छन् । सानिमा बैंकले ० दशलव ३८ प्रतिशत , नेपाल बैंकले ० दशमलव ३ प्रतिशत र एभरेष्ट बैंकले ० दशलव ०३ प्रतिशत वृद्धि गरेको हो ।

निक्षेपको ब्याजदर वृद्धि हुँदा आधारदर समेत बढ्ने संभावना हुन्छ भने घट्दा आधारदर घट्छ । त्यसकारण निक्षेपत्रको ब्याजदरले कर्जाको दरलाई समेत प्रभाव पर्छ ।

कुन बैंकको निक्षेपको अधिकतम ब्याजदर कति प्रतिशत तोकियो ?