काठमाडौं । नेपाल धितोपत्र बोर्ड (सेबोन)ले दुई वटा कम्पनीलाई हकप्रद सेयर निष्काशनका लागि अनुमति प्रदान गरेको छ ।
बोर्डले एशियन लाइफ इन्स्योरेन्सलाई वैशाख २६ गते र राप्ति हाईड्रो एण्ड कन्स्ट्रक्सन लिमिटेडलाई वैशाख २५ गते हकप्रद सेयर निष्काशनका लागि अनुमति प्रदान गरेको हो ।
अनुमति पाएसँगै अब एशियन लाइफले ४२ प्रतिशत अर्थात १ः०.४२ अनुपातमा १०० रूपैयाँ अंकित दरका १ करोड ४२ लाख ७९ हजार ३१२.४८ कित्ता सेयर निष्काशन गर्नेछ ।
त्यस्तै, राप्ति हाईड्रोले शतप्रतिशत अर्थात ६१ लाख २७ हजार ९३८ कित्ता हकप्रद सेयर निष्काशन गर्नेछ ।
दुवै कम्पनीको हकप्रद निष्काशन तथा बिक्री प्रबन्धकको रुपमा मुक्तिनाथ क्यापिटल लिमिटेड रहेको छ ।
