काठमाडौं । साताको अन्तिम दिन सेयर बजार सामान्य अंकले बढेको छ ।
बिहीबार, नेप्से परिसूचक ४.१९ अंकले बढेर २६३०.७१ अंक विन्दुमा आइपुगेको छ ।
आज २ करोड ९ लाख ७८ हजार कित्ता सेयर ५ अर्ब ३२ करोड ९२ लाखमा खरिद बिक्री भएको छ ।
त्यस्तै, ७० वटा कम्पनीको सेयर मूल्य बढ्दा १६३ वटा कम्पनीको घटेको छ भने ९ वटा कम्पनीको स्थिर अवस्थामा रहेको छ ।
त्यसैगरि, प्रभु बैंक सर्वाधिक सेयर खरिदबिक्री भएको छ । कम्पनीको आज ५० करोड ७७ लाख रुपैयाँमाथिको कारोबार भएको छ ।
त्यस्तै, जानकी फाइनान्सको २२ करोड ३९ लाख, सपोर्ट माइक्रो फाइनान्सको १५ करोड ३९ लाख, कुमारी बैंकको १४ करोड ८९ लाख, सप्तकोशी डेभलपमेन्ट बैंकको १३ करोड ८२ लाख रुपैयाँमाथिको कारोबार भएको छ ।
