काठमाडौं । साताको पहिलो दिन सेयर बजारमा भारी अंकको गिरावट आएको छ ।
आइतबार, नेप्से परिसूचक ४५.९३ अंकले घटेर २६८९.०० अंक विन्दुमा आइपुगेको छ ।
आज १ करोड ७३ लाख ९२ हजार कित्ता सेयर ७ अर्ब ४६ करोड ३ लाखमा खरिद बिक्री भएको छ ।
त्यस्तै, २७ वटा कम्पनीको सेयर मूल्य बढ्दा २१४ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, एनआरएन इन्फास्ट्रक्चरको सर्वाधिक सेयर खरिदबिक्री भएको छ । कम्पनीको आज ३२ करोड ६४ लाख रुपैयाँमाथिको कारोबार भएको छ ।
त्यस्तै, नेपाल फाइनान्सको १५ करोड ६८ लाख, रिभर फल्स्को १५ करोड ६५ लाख, खानी खोला हाइड्रोपावरको २० करोड ११ लाख, बेष्ट फाइनान्सको १२ करोड ९९ लाख रुपैयाँमाथिको कारोबार भएको छ ।
