काठमाडौं । साताको अन्तिम दिन पनि सेयर बजार दोहोरो अंकले बढेको छ ।
बिहीबार, नेप्से परिसूचक १३.९५ अंकले बढेर २७४८.७८ अंक विन्दुमा आइपुगेको छ ।
आज २ करोड १६ लाख कित्ता सेयर १० अर्ब ३२ करोड ३ लाखमा खरिद बिक्री भएको छ ।
त्यस्तै, १५९ वटा कम्पनीको सेयर मूल्य बढ्दा ७९ वटा कम्पनीको घटेको छ भने ६ वटा कम्पनीको स्थिर अवस्थामा रहेको छ ।
त्यसैगरि, जानकी फाइनान्सको सर्वाधिक सेयर खरिदबिक्री भएको छ । कम्पनीको आज ३५ करोड २४ लाख रुपैयाँमाथिको कारोबार भएको छ ।
त्यस्तै, न्याङदी ग्रुप पावरको ३१ करोड ६ लाख, समृद्वि फाइनान्सको २७ करोड ५८ लाख, नेपाल फाइनान्सको २१ करोड ६३ लाख, पीपल्स् हाइड्रोपावरको १९ करोड ७६ लाख रुपैयाँमाथिको कारोबार भएको छ ।
