काठमाडौं । मदन भण्डारी विज्ञान तथा प्रविधि विश्वविद्यालय (एमबस्ट) ले शैक्षिक पदहरूका लागि योग्य, अनुभवी र अनुसन्धानमुखी विज्ञहरूबाट दरखास्त आह्वान गरेको छ।
विश्वविद्यालय २०७९ सालमा स्थापित नेपालको पहिलो अनुसन्धानमुखी विश्वविद्यालय हो जसलाई व्यापक स्वायत्तता प्रदान गरिएको छ। नेपालको समृद्धि र सामाजिक न्यायको सपना साकार पार्न विश्वविद्यालयले ‘विश्वस्तरीय शैक्षिक संस्था’ बन्ने लक्ष्य लिएको छ।
अनुसन्धान, नवप्रवर्तन, र उद्योगसँग सहकार्यलाई प्राथमिकतामा राख्दै एमबस्ट राष्ट्रिय आवश्यकता सम्बोधन गर्ने शिक्षाको मार्गचित्र अघि सार्दैछ।
खुला पदहरू र विशेषज्ञताको क्षेत्रहरू
१. डिजिटल प्रविधि कार्यक्रम (कृत्रिम बौद्धिकता र डेटा विज्ञान)
पदहरू/प्राध्यापक/सह–प्राध्यापक/सहायक प्राध्यापक (४ जना सम्म)
विशेषज्ञता क्षेत्रहरूः कृत्रिम बौद्धिकता (एआई), डेटा विज्ञान, डेटा माइनिङ, मेशिन लर्निङ, डिप लर्निङ, कम्प्युटर भिजन, नेचुरल ल्याङवेज प्रोसेसिङ, इन्टरनेट अफ थिङ्स र अन्य समसामयिक प्रविधि क्षेत्रहरू
यो अवसर नेपाली नागरिक, गैरआवासीय नेपाली तथा विदेशी नागरिकहरूका लागि खुला छ। महिला तथा पछाडि पारिएका समुदायका उम्मेदवारहरूलाई आवेदन दिन विशेष प्रोत्साहन गरिन्छ। यो दरखास्त आव्हान पदहरू पूर्ति नहुन्जेलसम्म खुला रहनेछ।
एमबस्ट किन रोज्ने ?
– नेपालको पहिलो स्वायत्त अनुसन्धानमुखी विश्वविद्यालय
– स्वतन्त्र शैक्षिक वातावरण
– नवप्रवर्तन, औद्योगिक सहकार्य र परिणाममुखी अनुसन्धानमा जोड
– योग्यता, पारदर्शिता, समावेशिता र इमानदारीमा आधारित संस्कृति
– हरियाली चित्लाङ उपत्यकामा अवस्थित रमणीय क्याम्पस, काठमाडौंबाट २५ किमी टाढा
एमबस्टले अंगीकृत गरेको मुख्य अनुसन्धानका क्षेत्रहरू : जैविक कृषि, वन जैवसामग्री, डिजिटल प्रविधि, पर्यटन पूर्वाधार, जल स्रोत तथा ऊर्जा। कार्यक्रमहरू दिगो विकास, जलवायु परिवर्तन न्यूनीकरण, पहाडी विकास, समावेशिता तथा लैंगिक समानताका क्रस(कटिङ मुद्दाद्वारा निर्देशित छन्।
शैक्षिक स्टाफका जिम्मेवारीहरू
– हरेक वर्ष ३ वटा (प्रत्येक ४ क्रेडिटका) पाठ्यक्रमहरू अध्यापन (कम्तीमा एउटा मूल पाठ्यक्रम)
– विद्यार्थी अनुसन्धान निर्देशन
– संस्था विकास, सामुदायिक सेवा, र सार्वजनिक सम्पर्कमा संलग्न
– कार्य समयः ४० प्रतिशत शिक्षण, ४० प्रतिशत अनुसन्धान, २० प्रतिशत सेवा
– अनुसन्धानका लागि स्रोत जुटाउने प्रयास (अनुदान, उद्योग साझेदारी)
– योग्यता र सेवा सर्तहरू
– सम्बन्धित विषयमा पीएचडी (पोस्टडोक अनुभव भएका उम्मेदवारलाई प्राथमिकता)
– वैज्ञानिक प्रकाशन, नवप्रवर्तन र परियोजना अनुभव
– नियम र आचारसंहितामा पूर्ण प्रतिबद्धता
– विश्वविद्यालयको कर्मचारी प्रशासन नियमावली, २०८० र वित्तीय व्यवस्थापन
नियमावली, २०८० अनुसार सेवा सर्त लागू हुन्छ (www.mbust.edu.np मा उपलब्ध)
आवेदन पेश गर्ने तरिका
चासो भएका उम्मेदवारले info@mbust.edu.np मा निम्न कागजातहरू पठाउनुपर्नेछ (तोकिएको मितिपछि आएका आवेदनहरू पनि आवश्यकताअनुसार प्रक्रियामा ल्याउन सकिनेछ)
१. निवेदनपत्र
२. जीवन विवरण (सीभी)
३. पीएचडी पोस्टडोकमा गरिएको अनुसन्धान क्षेत्र
४. विश्वविद्यालय र राष्ट्रका लागि आफूले पुर्याउन सक्ने योगदानबारे १,००० शब्दसम्मको निबन्ध
५. प्रकाशनहरूको सूची, गुगल स्कलर र Scopus Citation Index लिंकसहित
६. अध्यापन अनुभव, विकास गरिएका पाठ्यक्रम र शैक्षिक सामग्रीहरू
७. निर्देशनमा पीएचडी पूरा गरेका विद्यार्थीहरूको सूची र मुख्य वैज्ञानिक योगदान
८. प्राप्त अनुसन्धान अनुदानहरूको विवरण (राशि र स्रोत संस्था उल्लेखसहित)
९. नेतृत्व अनुभव
१०. विशेष दक्षता
११. प्राप्त पेटेन्टहरूको सूची
१२. तीनजना सिफारिसकर्ताको नाम र सम्पर्क विवरण (सीधा पर्यवेक्षण गरेका हुनुपर्ने)
