काठमाडौं । विन नेपाल लघुवित्त वित्तीय संस्था लिमिटेडको एफपीओ पहिलो दिन १०७.३० गुणाबढी आवेदन परेको छ ।
कम्पनीको एफपीओमा आज साँझ ५ः०५ बजेसम्ममा ४ लाख ५९ हजार २६ जना आवेदकहरुले ५५ लाख ४ हजार ५० कित्ताका लागि आवेदन दिएको सीडीएस एन्ड क्लियरिङले जनाएको छ ।
कम्पनीको एफपीओमा ५५ करोड ४ लाख ५ हजार रुपैयाँ बराबरको आवेदन परेको छ ।
कम्पनीले आज चैत २१ गतेदेखि सर्वसाधारणका लागि एफपीओ निष्काशन गरेको हो।
कम्पनीले प्रतिकित्ता १०० रुपैयाँका दरले जम्मा ५१ हजार २९२.५ कित्ता एफपीओ निष्काशन गरेको हो।
एफपीओको निष्काशन बन्द चैत २६ गते हुनेछ । लगानीकर्ताले एफपीओमा न्यूनतम १० कित्ताका लागि आवेदन दिनु पर्नेछ भने अधिकतममा १ हजार कित्तासम्मका लागि आवेदन दिन सकिनेछ।
लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु तथा सिडिएस एण्ड क्लियरिङ लिमिटेडबाट निर्माण गरिएको सफ्टवेयर ‘मेरो सेयर’ अनलाइन प्रयोग गरी सि–आस्बा प्रणालीमार्फत आवेदन दिन सक्नेछन्।
कम्पनीको धितोपत्र निष्काशन तथा बिक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ।
