काठमाडौं । आज दशैंपछि बजार खुलेको दिन सुनको मूल्यले नयाँ उचाइ चुमेको छ । दशैं विदा हुँदा १ लाख १५ हजार ५ सय रुपैयाँमा कायम रहेको सुनको मूल्य आज शुक्रबार ५ सय रुपैयाँले बढेर सुनले नयाँ उचाइमा पुगेको हो । आज प्रतितोला छापावाला सुनको मूल्य १ लाख १६ हजार रुपैयाँ पुगेको नेपाल सुनचाँदी व्यवसायी महासंघले जनाएको छ ।
अन्तर्राष्ट्रिय बजारमा सुनको मूल्य बढेका कारण घरेलु बजारमा पनि त्यसको असर परेको महासंघले जनाएको छ ।
त्यस्तै तेजावी सुनको मूल्य बढेर १ लाख १५ हजार ४५० रुपैयाँ पुगेको छ । छापावाला सुनभन्दा तेजावी सुन केहि सस्तो हुने गरेको छ । त्यस्तै आज चाँदीको मूल्य पनि बढेर तोलाको १ हजार ४ सय रुपैयाँ पुगेको छ ।
