२०८१ सालको अन्तिम दिन सुनको मूल्यले बनायो रेकर्ड, कतिमा कारोबार हुँदैछ ?

काठमाडौं । २०८१ सालको अन्तिम दिन छापावाल सुनको मूल्य १ हजार रूपैयाँले बढेको छ ।

आइतबार छापावाल सुनको मूल्यले नयाँ रेकर्ड कायम गरेको हो ।

शुक्रबार, छापावाल सुनको मूल्य प्रतितोला १ लाख ८५ हजार रूपैयाँ कायम भएकोमा आज १ हजार रूपैयाँले बढेर १ लाख ८६ हजार रूपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यसैगरी, शुक्रबार चाँदीको मूल्य प्रतितोला १ हजार ९०५ सय रुपैयाँ कायम भएकोमा आज ५५ रूपैयाँले बढेर १ हजार ९६० रूपैयाँ कायम भएको छ ।