काठमाडौं । लक्ष्मी सनराइज बैंकले असोज महिनाका लागि नयाँ ब्याजदर सार्वजनिक गरेको छ । जसमा बैंकले मुद्दति निक्षेपको ब्याजदर अघिल्लो महिनाको नै कायम राखेको छ ।
बैंकले मुद्दति निक्षेपमा व्यक्तिगततर्फ ६.५० प्रतिशत, संस्थागततर्फ ५.५० प्रतिशत र रेमिट्यान्स खातामा भने ७.५० प्रतिशत ब्याजदर कायम गरेको छ । बैंकले भदौ महिनाको ब्याजदरलाई निरन्तरता दिएको हो ।
बैंकले साधारण बचत खातामा न्यूनतम ३ प्रतिशतदेखि ५ प्रतिशत ब्याजदर तोकेको छ भने रेमिट्यान्स बचतमा ६ प्रतिशत तोकेको छ ।
बैंकको आधार ८.३९ प्रतिशत छ भने स्प्रेडदर ४ प्रतिशत रहेको छ ।
