काठमाडौं । चालू आर्थिक वर्षको ७ महिनामा एनआईसी एशिया बैंकको निक्षेप ठूलो अंकले गिरावट देखिएको छ । असार मसान्तसम्ममा ३ खर्ब ६० अर्ब ५४ करोड रुपैयाँ निक्षेप कायम रहेकोमा माघ समान्त अवधी आइपुग्दा ३ खर्ब २ अर्ब ३२ करोड रुपैयाँ पुगेको हो ।
नेपाल बैंकर्स संघले उपलब्ध गराएको तथ्याङ्क अनुसार प्रभु बैंक र सिद्धार्थ बैंकको समेत निक्षेप गिरावट आएको देखिन्छ ।
७ महिना अवधीमा प्रभु बैंकको निक्षेप ३ अर्बले घटेको छ । असार मसान्तमा ३ खर्ब १२ अर्ब २३ करोड निक्षेप रहेकोमा माघ मसान्त अवधी आइपुग्दा ३ खर्ब ९ अर्ब १६ करोड कायम रहेको छ ।
सिद्धार्थ बैंकको भने करिव १ अर्ब रुपैयाँ मात्रै निक्षेप घटेको देखिएको हो । २ खर्ब ४४ अर्ब रुपैयाँ असार मसान्तमा रहेकोमा २ खर्ब ४३ अर्ब अहिले कामय रहेको छ ।
अन्य सबै वाणिज्य बैंकको निक्षेप वृद्धि देखिएको छ । सबैभन्दा धेरै वृद्धि हुनेमा इन्भेष्टमेन्ट मेगा बैंक रहेको छ । यस बैंकको असार मसान्तमा ४ खर्ब ६ अर्ब ८० करोड रहेकोमा अहिले ४ खर्ब ४७ अर्ब ६७ करोड रुपैयाँ पुगेको हो ।
त्यस्तै गरि नबिल बैंकको असार मसान्तमा ४ खर्ब ६८ अर्ब ७६ करोड रुपैयाँ रहेकोमा अहिले भण्डै ५ खर्ब पुगेको अवस्था रहेको छ ।
एमएमबी बैंक पनि धेरै बढ्नेको सूचीमा समावेश छ । यस बैंकको असार समान्तमा २ खर्ब २७ अर्ब १० करोड रुपैयाँ रहेकोमा अहिले २ खर्ब ६१ अर्ब ३ करोड रुपैयाँ पुगेको छ ।
अहिले कुन बैंकको निक्षेप कति छ ?
कृषि विकास बैंक २ खर्ब ५६ करोड
सिटिजन्स बैंक २ खर्ब
एभरेष्ट बैंक २ खर्ब ६१ अर्ब
ग्लोबल आइएमई बैंक ५ खर्ब २९ अर्ब
हिमालयन बैंक ३ खर्ब
कुमारी बैंक ३ खर्ब ६१ अर्ब
लक्ष्मी सनराइज बैंक ३ खर्ब ४७ अर्ब
माछापुच्छ्रे बैंक १ खर्ब ६८ अर्ब
नबिल बैंक ४ खर्ब ९९ अर्ब
नेपाल बैंक ३ खर्ब ४ अर्ब
नेपाल इन्भेष्टमेन्ट मेगा बैंक ४ खर्ब ४७ अर्ब
नेपाल एसबीआई बैंक१ खर्ब ८२ अर्ब
एनआईसी एशिया बैंक ३ खर्ब २ अर्ब
एनएमबी बैंक २ खर्ब ६१ अर्ब
प्रभु बैंक ३ खर्ब ९ अर्ब
प्राइम कर्मसियल बैंक २ खर्ब ३८ अर्ब
राष्ट्रिय वाणिज्य बैंक ४ खर्ब ४४ अर्ब
सानिमा बैंक २ खर्ब १३ अर्ब
सिद्धार्थ बैंक २ खर्ब ४३ अर्ब
स्ट्याडर्ड चार्डर्ड बैंक १ खर्ब २४ अर्ब रुपैयाँ
